Me anë të një statusi në Facebook ish-ministri i Drejtësisë Ylli Manjani, ka ironizuar ndryshimin e kodit të sjelljes në Parlament. Ai ka bërë një paralelizëm të këtij kodi me “shfaqet e huaja borgjeze e revizioniste”, në kohën e komunizmit duke marrë shëmbuj edhe disa prej deputetëve të këtij parlamenti.
Statusi i Manjanit:
Kuvendi i Republikës merr vendimin e tij më të rëndësishëm të 27 viteve pluralizëm!
Miraton rregulloren e shfaqeve të huaja dhe veshjeve ekstravagante (borgjeze e revizioniste)!
Dukshëm, deputetët më të rrezikuar që i këput kjo rregullore janë:
- Erion Braçe për mbajtje xhaketash me kuadrate dhe ekstravagante. Erioni mban dhe syze të ekzagjeruara dhe madje edhe mjekër.
- Monika Kryemadhi për mbajtje çizmesh me burim rreziku të shtuar.
- Grida Duma për veshmbathje ekstravagante shoqëruar dhe me taka të larta.
- Bledi Çuçi për mbajtje barsetash të trasha dhe tej “kockës së partisë”. Ky nen e këput edhe Eduard Shalsin.
- Ervin Salianji për përdorim të ekzagjeruar të telefonisë celulare dhe përdorim fjalësh jo etike.
- Dashamir Shehi për përdorim alkooli tej normave të lejuara nga Kryeministria.
Ka edhe të tjerë, por nuk njohim!
Përjashtohen nga zbatimi i këtij rregulli, përdorimi i atleteve dhe brekusheve.
Përjashtohen gjithashtu nga rregulli përdorimi i fjalëve fyese nga ana e qeverisë.
Kjo rregullore do të zbatohet nga shoku Fatmir Xhafa, i specializuar që herët në këtë fushë…
Ah, po edhe vetë OSBE është dakort me këtë.
Reformat kanë kosto, jo shaka.
