TIRANË- Ministri i Drejtësisë, Ylli Manjani ka mbledhur kancelarët e gjykatave në një takim, të cilin TV e pasqyruan live. Fjala e ministrit ishte mbushur plot me kritika.
“Kam disa shqetësime që dua t’i ndaj me ju për shkak të publikut, atyre që e përdorin gjykatën dhe kanë pakënaqësi të theksuara në shërbimin shëndetësor. Në radhë të parë sekretaritë e gjykatave, ta kuptojnë se nuk është më i rëndë bishti se sqepari. Janë aty për të shërbyer, pritur njerëz. Punoni me orare më të zgjatura, zgjasni oraret e shërbimit, të mos kemi radhë për prurje padish apo për zbardhje vendimesh. Dua urdhër të prerë, sapo të ktheheni në gjykata zgjatini oraret e shërbimit”, tha Manjani, duke shtuar se, “Ka po aq të tjerë të specializuar që presin t’ju zënë vendin, dhe do ua zënë vendin. Pritini njerëzit me përulësi, jo me arrogancë”, vijoi Manjani.
“Nuk do ketë asnjë minimum tolerance. Nuk po flasim për drejtësi, por për njoftime, hallexhinjtë të marrin dijeni në mënyrë të rregullt. Qytetarët humbin seancat se nuk njoftohen”, u shpreh ai.
