Te Fundit

Manjani: Berisha paguan prostituta… Asnjë reagim nga Doktori


Bëhu pjesë e Grupit Zyrtar të Opinion.al
>> KËTU <<
               Publikuar në : 13:04 - 14/09/15 |
b.f

TIRANE-  N/kryetari i LSI, njëherësh zv.ministër i Transporteve, Ylli Manjani i pyetur për akuzat e Berishës se Lëvizja Socialiste për Integrim ka përfituar fonde nga Thesari i Shtetit përmes ministrave të LSI-së, u përgjigj: “Ne kemi një shqetësim të përbashkët, si ne dhe Berisha, për të shlyer detyrimet periodike. Nuk na zë gjumi me thënë të drejtën po nuk shlyem detyrimet periodike. Por dallimi është që ne (LSI) paguajmë kuotat e partisë, kurse doktori paguan faturat e prostitutave, e ka thënë vet”.

Partitë e mëdha paguajne cash ne jemi transparent

Akuzave të Manjanit nuk i ka shpëtuar as PS-ja. Duke argumentuar se pse nga zyrat e shtetit kalojnë para tek LSI-ja përmes Thesarit të Shtetit, Manjani tha se LSI është transparente. Sipas tij nga paga e tij, ministri i Mjedisit ka paguar kuoten e partisë. “Kështu funksion LSI”, tha Manjani, “i paguajmë kuotat permes bankës e Thesarit jo ‘cash’ që mesa duket partitë tradicionale janë mësuar që kur vijnë fushatat mbushin xhepat dhe i shpenzojnë dhe nuk sheh kush çfarë bëhet dhe si bëhet”.

Berisha: Thesari i Shtetit është shndërruar në thesarin e LSI

Ishte Berisha ai që nxiti reagimin e Manjanit. Ish-Kryeministri përmes një postimi në Facebook ka denoncuar faktin se Kuvendi i Shqipërisë dhe Ministria e Mjedisit përdorin Thesarin e Shtetit për të financuar LSI-në.

“Nga Thesari i Shtetit, pas kerkeses se Ministrise se Mjedisit, kane kaluar pagesat ne llogari te Levizjes Socialiste per Integrim me pershkrimin “Min. Mjedisit kuote partie gusht 2015” sic jane bere edhe te shume muajve te tjere pergjate 2015”, kështu shkruan Berisha teksa i bën thirrje prokurorisë të hetojë.

Ndërkaq pas akuzave të Manjanit se Berisha paguan prostitutat, ende s’ka një reagim prej tij.

KOMENTO (0)

Shkruaj nje koment

    Pas