Ministri i Drejtësisë, Ulsi Manja, deklaroi në Kuvend se Dan Hutra, autori i vrasjes së tre grave, ka qenë komisioner i Partisë Demokratike në kohën kur vuante dënimin në burg.
Manja ka thënë se Berisha pa pikë turpi ka deklaruar dje se Hutra ka qenë patronazhist në shërbim të qeverisë, gjë që sipas tij nuk është e vërtetë, pasi thekson ministri Hutra për 16 vite në burgjet shqiptare 40-vjeçari ka qenë komisioner i Berishës.
“Do të kishte qenë rezultativ një debat për dhunën me bazë gjinore dhe për dhunën në familje. Unë bashkohem me dhimbjen për viktimat e djeshme të atij krimi makabër, por ju dhe ato i përdorni për politikë sot këtu për të ushqyer revolucionin e ditës së nesërme.
Madje, Saliu këtu edhe autorin e atij krimit të katërfishtë, pa pik turpi e quajti patronazhist kur të gjithë e dinë se për 16 vite në burgjet shqiptare ka bërë komisionerin e Saliut. Janë fakte këto, por ju s’keni nga t’i dini,” – u shpreh Manja.
Dan Hutra, është autori i vrasjes me armë zjarri të 3 grave dhe plagosjes të tre të tjerave të mërkurën në Tiranë. Ai është arrestuar nga policia dhe ende është në proces gjykimi./Opinion.al
