Për deputetin, Ulsi Manja, përsa kohë opozita merr përsipër të përcaktojë liderin politik të kundërshtarit, nuk mund të ketë dialog politik. I ftuar në “ABC news”, Manja duke e cilësuar një vetëvrasje politike aktin e djegies së mandateve nga opozita i bëri të qartë kësaj të fundit se kundërshtari politik të heq karrigen dhe jo litarin.
“Kjo që thotë opozita nuk lë shteg për dialog. Opozita i thotë shumicës qeverisëse e dalë nga zgjedhjet e viti 2017 i thotë ik ti, dhe nuk thotë ik ti si shumicë, të ikë lideri i shumicës pra Kryeministri i vendit dhe pastaj thotë me pjesën tjetër do shohim e do bëjmë ne. Do ulemi dhe do merremi vesh. Që këtu ne kemi të bëjmë me një opozitë joserioze. Në një “marrje koke erë” mund të themi nga pikëpamja politike vendosi të varë vetën politikisht tek pishat para parlamentit dhe tani i kërkon shumicës se pse nuk më pret litarin, ndërkohë që në rrafshin politik, kundërshtari politik të heq karrigen dhe nuk të pret litarin. Kjo është politika në demokraci”.
Ulsi Manja e sheh jashtë çdo mundësie largimin e Edi Ramës, pasi siç thotë ai, në vitin 2017 ai ka marrë një mazhorancë të plotë me 74 mandate në një proces të certifikuar si zgjedhje të lira, demokratike dhe të të ndershme./ B.K Opinion.al
