Rezultati i publikuar sot nga KQZ në Kosovë për zgjedhjet e 6 tetorit në Kosovë nuk është pranuar nga Nisma Socialdemokrate.
Sipas tyre rezultati është manipuluar me votat e ardhura nga Serbia
“KQZ shpalli rezultate të fabrikuara, duke numëruar si vota pako me zarfe të cilat janë grumbulluar diku në Serbi, të së cilave nuk i dihet origjina, të grumbulluara nga persona të paautorizuara dhe në kundërshtim me ligjet në fuqi”, deklaroi në konferencë për shtyp Endrit Shala i Nismës.
Në bazë të rezultateve përfundimtare, Lëvizja Vetëvendosje, ka marrë 26.12% të votave, Lidhja Demokratike e Kosovës (LDK) 24.45 %, Partia Demokratike e Kosovës (PDK) 21.16 %, Aleanca për Ardhmërinë e Kosovës (AAK) në koalicion me Partinë Socialdemokrate ka marrë 11.47 %, Lista Serbe 6.74 përqind të votave dhe Nisma Socialdemokrate 4.98 përqind duke bërë mos të kalojë pragun prej 5% për t’u përfaqësuar në parlament. /Opinion.al
