Në nisje të manifestimit të thirrur nga presidenti, kur ora sapo ka shënuar 17:00, përmes një psotimi në FB, zëdhënësi i presidentit Tedi Blushi shkruan se sot, do të firmoset një dekret, dhe do të shpallet një betim.
“Motra dhe vëllezër,
Mirësevini në këtë Manifestimin të jashtëzakonshëm Mbarëkombëtar, ku do të firmoset një DEKRET, do bëhet një VOTIM dhe do shpallet një BETIM!
SOT NIS PRANVERA E PANDALSHME KUQEZI!”, shkruan Blushi.
Ndërkohë tashmë qytetarët kanë nisur të grumbullohen përpara presidencës, ndërsa në podiumin e ngritur janë parë të ngjiten edhe dy vajza të vogla të veshura me të kuqe,ndërsa nga fonia e e vendosur përgjatë bulevardit dëgjohen këngë shqiptare. Ndërkohë mbi tryezën që ndodhet në bulevard që prej mesditës, tashmë është vendosur edhe një kopje e kushtetutës.
Këtij manifestimi po i bashkohen ndërkohë edhe kreu i PD Basha dhe kryetarja e LS Kryemadhi, të cilët kanë deklaruar se vijnë në manifestim jo si eksponentë të partive,por si qytetarë të këtij vendi. Mësohet se do të jenë 7 persona që do të flasin gjatë këtij manifestimi, që do të mbyllet nga fjala e Presidentit Meta./Opinion.al
