Sulmuesi i Kraocisë, Mario Mandzukic ka bërë një deklaratë për ndeshjen e ardhshme që Kroacia do të luajë ndaj Argjentinës duke thënë se në fushë nuk njeh asnjë kundërshtar.
“Unë zbres në fushë duke mos parë kurrë se cili kundërshtar më pret. Përkundrazi, nuk më intereson as nëse mbaj veshur fanellën e klubit tim apo të kombëtares, sepse gjithmonë jam njësoj i karikuar.
Ideja ime e futbollit është e thjeshtë dhe e qartë: kushdo që kërkon të më frenojë, unë do të bëj të pamundurën që ta shmang, por edhe anasjelltas: kush kërkon të më kalojë mua, unë do të përdor çdo armë për ta ndalur. Kjo vlen për këdo, çfarëdo emri të mbajë në fanellë. Edhe për Mesin? Sigurisht që edhe për Mesin, edhe pse unë e thashë, nuk njoh askënd në fushë…” ka thëenë Mandzukic.
Futbollisti i cili luan me Juventusin ka qënë protagonist kryesor në ndeshjen e parë që Kroacia luajti ndaj Nigerisë.
Ndeshja midis Kroacisë dhe Argjentinës do të luhet ditën e nesërme në orën 20:00, ndeshje e vlefshme për Grupin D.
