Mandatin në Kuvend ‘demokratik’, shpirtin në diktaturë. Deputetja e PS përulet para Mehmet Shehut

Deputetja socialiste Antoneta Dhima ka bërë nderime dhe ka vendosur buqetë me lule përpara ish kryeministrit komunist Mehmet Shehut.
Ditën e sotme në Fier është përkujtuar 75-vjetori i aksionit të ushtrisë partizane ndaj pushtuesve italianë, ku sipas dëshmive të kohës, ata i sollën shumë humbje ushtrisë së Musolinit në këtë zonë.
Në lapidarin kushtuar kësaj date historike janë vendosur buqeta me lule nga deputetja e Partisë Socialiste Antoneta Dhima, përfaqësues të Bashkisë Patos dhe drejtues e përfaqësues të organizatave të Veteranëve dhe Familjeve të Dëshmorëve.
Por ajo çka ka rënë në sy, është fakti se pikërisht në qendër të këtij lapidari ishte vendosur fotografia e ish-kryeministrit komunist, Mehmet Shehu.
“BalkanËeb” ka siguruar pamjet e kësaj ceremonie.
Nuk është hera e parë që fotografitë e diktatorit Hoxha, apo edhe të Mehmet Shehut shfaqen në aktivitete të kësaj natyre dhe për këtë nuk ka asnjë reagim nga qeveria.