Kryetari i grupit parlamentar socialist Taulant Balla ka folur për vendimin e opozitës për dorëzimin e mandateve. Nga Elbasani, Taulant Balla ka thënë se Partia Demokratike dhe Lëvizja Socialiste për Integrim duan të bllokojnë krijimin e institucioneve të reja të drejtësisë.
“Mandatet përfaqësojnë vullnetin e popullit dhe djegia e mandateve do të thotë injorim i këtij vullneti. Me djegien e mandateve PD dhe LSI duan të bllokojnë krijimin e SPAK dhe Byrosë Kombëtare të Hetimit. Të enjten ne votojmë në seancë plenare strukturat e KLGJ dhe KLP. Ja pse PD dhe LSI po agravohen dhe po sulmojnë institucionet. Ky veprim është i paparanueshëm nga ndërkombëtarët. Asnjë parti nuk mund të dëmtojë perspektivën europiane të Shqipërisë”, ka thënë Taulant Balla.
