Pesë persona janë plagosur me thikë gjatë një sulmi të ndodhur në qytetin e Mançesterit të Britanisë së Madhe. Ngjarja ndodhi brenda një qendre tregtare, ku një person ka nxjerrë thikën dhe ka qëlluar personat pranë tij.
Njerëzit brenda qendrës tregtare janë evakuuar, ndërsa është ndaluar edhe transporti publik pranë vendit të ngjarjes. Policia tha se nuk ka raportime për viktima, dhe se oficerët e kundër terrorizmit po udhëheqin hetimin.
Lidhur me këtë ngjarje është arrestuar një 40-vjeçar i cili dyshohet se është autori i plagosjeve. Ndërkohë, numri i të lënduarve është konfirmuar dhe nga një zëdhënës i policisë, i cili tha se ata janë dërguar në spital.
“Në këtë fazë të hershme, ne jemi duke mbajtur të hapur motivin e këtij incidenti të tmerrshëm”, tha ai./ Opinion.al E.Xh.
