Ministrja e Shëndetësisë, Ogerta Manastirliu ka njoftuar se nga dita e sotme nisin aplikimet në portalin e-Albania për t’u vaksinuar kundër Covid, grupmosha mbi 18-vjeç.
Manastirliu thotë se më shumë se 935 mijë vaksinime anti-COVID janë kyer deri tani, teksa thekson se do të intensifikohet ky proces në sezonin e verës.
Ditët e hapura për vaksinim janë në datat 29-30 Qershor.
“Nga sot mund të aplikoni në portalin e-Albania për t’u vaksinuar pa dallim mbi 18 vjeç, në ditët e hapura të vaksinimit në datat 29-30 qershor. Më shumë se 935 mijë vaksinime anticovid janë kryer deri tani, teksa do ta intensifikojmë këtë proces jetik në sezonin e verës, që është koha më e mirë për shtrirjen e vaksinimit masiv . Vaksinimi anticovid në Vlorë”, shkruan Manastirliu në rrjetin social “Facebook”./Opinion.al
