Ministrja e Shëndetësisë dhe Mbrojtjes Sociale Ogerta Manastirliu, tha se nga muaji mars mund rivlerësohen masat anti-Covid që janë në fuqi në vend.
Gjatë një vizite të zhvilluar këtë të shtunë në qendrën shëndetësore të Vorës, me zv/Presidentin e Zvicrës, Alain Berset, Manastirliu u shpeh se jemi duke vlerësuar situatën epidemiologjike, një incidencë e cila është në ulje.
“Përgjatë gjithë këtij viti fjala kyçe do vijojë të mbetet vaksinimi dhe vaksinimi me dozën e tretë është sërish shumë i rëndësishëm në funksion të rritjes së imunitetit dhe shmangies të formave të rënda të sëmundjes. Jemi duke vlerësuar me shumë kujdes situatën epidemiologjike. Duke shpresuar që do të jemi në indikatorë të përmirësuar, do të rivlerësojmë masat në dy javët e para të muajit Mars”.
Deri tani në Shqipëri kanë mbërritur mbi 3.1 milion doza vaksine ndaj Covid-19 dhe janë kryer mbi 2 milion e 680 mijë vaksinime./Opinion.al
