Vetëm 9 pacientë të infektuar me COVID-19, ndodhen të shtruar në Spitalin Infektiv në Tiranë. Lajmi është dhënë nga ministrja e Shëndetësisë, Ogerta Manastirliu, në një postim në mediat sociale.
“LAJM I MIRË! Vetëm 9 pacientë me COVID-19 po marrin trajtim në spitalin Infektiv, teksa vijon të ulet numri i rasteve aktive në të gjithë vendin”, shkruan ministrja.
Prej disa javësh situata e pandemisë COVID-19 në vend është e qëndrueshme, pasi shënohet një numër i ulët infektimesh dhe viktimash. Ndërkohë vendet e BE ditën e djeshme kanë hequr kufizimet e udhëtimit për Shqipërinë.
