Ministrja e Shëndetësisë Ogerta Manastirliu ka deklaruar ditën e sotme se më 15 qershor do të hapen qendrat verore shëndetësore të cilat pritet tu vijnë në ndihmë të gjithë pushuesve.
Pasi ka ndjekur nga afër procesin e vaksinimit të operatorëve turistike në Vlorë, ministrja ka bërë me dije se objektivi kryesor është vaksinimi i popullatës mbi 60 vjeç dhe i grupeve të riskut.
Ndër të tjera ajo ka theksuar se në qershor arrihet objektivi 1 milionë të vaksinuar në qershor, dhe deri në pranverë të 2022 do të vaksinohet e gjithë popullata.
“Kemi parë që vaksinimi në Lungomare vijon pa ndërprerje vaksinimi në të gjithë strukturat e shëndetësisë për vaksinimin e popullatës mbi 60 vjeç. Unë jam e kënaqur sesi po vijon plani për vaksinimin e personave të riskut siç janë punonjësit e sektorit turistik. Një gjë është e sigurtë se duhet të zbatojmë protokollet e sigurisë për të mos pasur përhapje të Covid. Përgatitemi për sezonin turistik sipas një plani nga ministria e Shëndetësisë dhe Punëve Sociale.Me 15 qershor do të hapen qendra verore shëndetësore që të vijë në ndihmë të gjithë pushuesve. Vera sërish këtë vit do të jetë sipas protokolleve dhe pse më e lehtësuar se një vit më parë. Ne kemi ecur me ritme të shpejta dhe urojmë që të arrijmë objektivin deri në 1 mln të vaksinuar në qershor dhe më pas të gjithë popullatës deri pranverën e 2022”, ka thënë Manastirliu./Opinion.al
