Ministrja e Shëndetësisë Ogerta Manastirliu, në një lidhje në emisionin “Opinion”, tha ndër të tjera se janë marr të gjitha masat që personat e identifikuar si të prekur nga koronavirus, por që qëndrojnë në kushte shtëpie, të mos e thyejnë këtë izolim.
Lidhur me situatën në vend dhe rritjen e ndjeshme të numrit të rasteve, Manastirliu e cilësoi të pritshme, pasi tashmë Shqiëria ka hyrë në ditët e fundit të javës së tretë, kur periudha e inkubacionit të virusit ka përfunduar.
“Shqipëria sapo ka filluar një rritje të numrit të rasteve. Jemi në ditët e fundit të javës së tretë. Është normale dhe e pritshme kjo rritje, pasi ka përfunduar periudha e inkubacionit dhe përballja me simptomat është më e lartë. Kur do të jetë piku i Shqipërisë akoma nuk mund ta themi sot, pasi akoma nuk ka shifra të plota mbi një model që mund të jetë modeli i grafikut në Shqipëri. Ajo që mund të themi është që me masat që janë ndërmarrë synohet që ne të kemi një kodër dhe jo një mal, si në rastin e Italisë duke ulur efeketet e një rritjeje eksponenciale”, tha Manastiruliu.
E pyetur nga gazetari Blendi Fevziu lidhur me spitalin karantinë dhe funksionimin e tij, Manastirliu tha:
“Ne sipas skenarëve kemi vënë në dispozizcion disa spitale. I pari është ai infektiv, i dyti është “Shefqet Ndroqi”, më pas është spitali tek ish-kirurgjitë dhe së fundi është marr vendimi për t’ju adoptuar strukturës që kemi vizituar sot”.
Fevziu: Sa shtretër do të jenë?
Manastirliu: Aty do të jenë rreth 100 shtretër, por aty ka hapësira.
Fevziu: Serbia është duke përgatitur qendrën e panaireve me 1 mijë shtretër, Spanja ka qendër me 5 mijë shtretër. A janë të mjaftueshëm për Shqipërinë?
Manastirliu: Ndaj ne kemi marr këto masa, kemi ulur numrin e operacioneve të planifikuara, shtrimeve të planifikuara, në mënyrë që sistemi të vihet në dispozicion të të sëmurëve për të marr shërbime, jo vetëm në Tiranë por dhe në spitalet rajonale në rrethe.
Aktualisht po bëjmë këtë spital karantinë, pasi aty ka hapësira të bollshme për të rritur numër shretërish për personat jo me simptoma të forta.
Fevziu: Ka shumë qytetarë që më shkruajnë dhe thonë që marrin 127 dhe ju thonë shkoni pini çaj nuk ja u marrin tamponin…
Manastirliu: Ka një algoritëm që mjekët në numrin 127 vendosin për tamponin. Luftën e parë me këtë virus e bën çdo organizëm. Ata që kanë simptoma të lehta do duhet që ta përballin dhe në kushte shtëpie mund të përballen simptomat e lehta që këshillohen nga mjekët. Në rastet kur ka simptoma të rënda vjen ambulanca që e drejton në spitalin infektiv.
Fevziu: Kush garanton që personat që janë në shtëpi nuk dalin dhe nuk infektojnë të tjerë?
Manastirliu: Lufta me këtë virus duhet ta kuptojë secili, që është përgjegjësi personale. Të gjithë personat pzoitivë janë të skeduar në strukturat e kujdesit shëndetësor.
Fevziu: A e dimë ku gjenden?
Manastirliu: Patjetër që e dimë ku gjenden, kemi kontakte të përditshme me ta. Është një punë e madhe që po bëhet nga mjekët e familjes nga epodemiologët për qytetarët e prekur që duhet të gjenden në banesë./Opinion.al
