Ministrja e Shëndetësisë, Ogerta Manastirliu ka njoftuar se është ende duke u diskutuar me ekspertët e komitetit teknik lidhur me masat që duhen marrë ndaj epidemisë së koronavirusit.
Ajo ka postuar një foto nga takimi në Twitter.
“Po diskutojmë me ekspertët e komitetit teknik, për masat e shtuara për parandalimin e përhapjes së COVID-19, pas vendimit të Italisë për izolimin e zonave të kuqe”, shkruan ajo.
Ministrja i përgjigjet gjithashtu apelit të Presidentit Meta i cili kërkon aplikimin e masave të “Zonës së Kuqe” të modelit Italian. Manastirliu nënvizon se çdo masë që do të merret do të vendoset nga ekspertët dhe shton se deri tani në Shqipëri nuk ka asnjë rast të konfirmuar me koronavirus.
“Çdo masë e shtuar do të vendoset nga ekspertët. Deri tani, nuk ka asnjë rast të konfirmuar me COVID-19”, shton ministrja.
Më herët Presidenti Meta bëri një apel publik ku theksoi se ai ka kërkuar marrjen e masave emergjente parandaluese ndaj koronavirusit që në 31 janar. Ai bënte thirrje që të duke marrë shkasë nga gjendja e rënduar e përhapjes së epidemisë në Itali dhe Greqi, qeveria duhet të ndërmarrë masat e “Zonës së Kuqe” si dhe të rrisë financimin për parandalimin dhe mbrojtjen e mjekëve . /Opinion.al
?Po diskutojmë me ekspertët e komitetit teknik, për masat e shtuara për parandalimin e përhapjes së COVID-19, pas vendimit të #Italisë për izolimin e zonave të kuqe ?
Çdo masë e shtuar do të vendoset nga eskpertët❗️
Deri tani, nuk ka asnjë rast të konfirmuar me COVID-19 në ?? pic.twitter.com/MwLhZO4P4C— Ogerta Manastirliu (@GManastirliu) March 8, 2020
