Aktualitet

Manastirliu: Mjeku i familjes do të përcaktojë barnat për rimbursim


Bëhu pjesë e Grupit Zyrtar të Opinion.al
>> KËTU <<
               Publikuar në : 14:45 - 19/11/20 |
Opi Nion

Ministrja e Shëndetësisë, Ogerta Manastirliu, gjatë konferencës së sotme u ndal edhe te çështja e rimbursimit të paketës bazë të pacientëve të infektuar COVID-19 që trajtohen në shtëpi.

Manastirliu tha se mjeku i familjes në bazë të zhvillimit të sëmundjes do të lëshojë recetën për barnat me rimbursim për pacientët e infektuar me COVID.

Gjithashtu, ministrja iu bëri thirrje qytetarëve, që të ndjekin vetëm udhëzimet e mjekut të familjes të cilët do të përcaktojnë ekzaminimet që ata do të marrin apo dhe nëse do të kenë nevojë për një trajtim të specializuar.

“Zbatimi i paketës për trajtimin ambulator në banesë ka filluar prej ditës së sotme. Udhëzuesit e trajtimit janë rifreskuar që nga muaji prill nga mjeku i familjes. Mjeku i familjes do të vijojë të ketë një rol esencial në raport me mbështetjen e paketës së rimbursimit duke vlerësuar llojin e sëmundjes duke lëshuar më pas recetën me rimbursim të përcaktuara nga Fondi i Sigurimit të Detyrueshëm të Kujdesit Shëndetësor. Ky udhëzues që prej 1 muaji është shpërndarë në qendrat shëndetësore. Në asnjë moment nuk e kemi ndalur mbështetjen tonë për ata që nuk kanë mundësi për të tërhequr medikamente. Ne ua kemi dërguar dhe në banesë. E kemi bërë edhe në fillim të pandemisë. Çdo qendër shëndetësore ka një dhomë të veçantë izolimi për raste të dyshuara me COVID. Edhe përsa i përket terapive apo paketës së barnave të trajtimit ambulator, është mjeku i familjes i cili vendos paketën e medikamenteve që do të marrin. Ai do të vendosë dhe çfarë ekzaminimesh do të bëhen dhe se kur do të bëhen”- tha Manastirliu./Opinion.al

Pas