Ministrja e Shëndetësisë, Ogerta Manastirliu, gjatë vizitës në qendrën e rehabilituar shëndetësore në Këmishtaj të Divjakës ka dhënë lajmin se është miratuar në Këshillin e Ministrave kontarta e re me Pfizer për një milion doza vaksine gjatë 2022 dhe 500 mijë doza të tjera opsionale nëse do të duhen.
Gjithashtu, Manatriliu u shpreh se jemi ende duke punuar për të intensifikuar mbulesën vaksinale tek grupmosha e të rinjve.
“Sapo kemi miratuar në Këshillin e Ministrave kontratën e re me kompaninë Pfizer për 1 milion doza vaksine gjatë 2022 dhe 500 mijë doza të tjera opsionale, nëse do të duhen, ku përfshihet gjithashtu edhe vaksinimi për fëmijët. Do të vijojmë të sigurojmë disponibilitetin e vaksinave në të gjitha qendrat shëndetësore. Ne kemi aplikuar deri më sot më shumë se 2.6 milionë doza vaksinash. Jemi ende duke punuar for për të intensifikuar mbulesën vaksinale tek grupmosha e të rinjve. Ndaj gjithmonë një apel dhe akoma më shumë përkushtim i ekipit tonë shëndetësor do të duhet për të rritur mbulesën vaksinale tek grupmosha e të rinjve.Por nga ana tjetër duhet të vijojmë me dozat përforcuese tek grupmoshat +60 vjeç sidomos ata të cilët kanë sëmundje kronike dhe janë më të rrezikuar, pasi vaksinimi shpëton jetën”, tha Manastirliu./Opinion.al
