Ministrja e Shëndetësisë Ogerta Manstirliu, në një lidhje me skype në emisionin “Opinion”, e pyetur nga gazetari Blendi Fevziu, raportoi mbi gjendjen e krijuar në vend pas përhapjes së pandemisë së koronavirusit.
Manastirliu: Është një gjendje që paraqitet e qetë, ne kemi marrë masa për të kufizuar sa të jetë e mundur vizitat dhe konsultat, duke lejuar që të realizohen të gjithë urgjencat dhe ato terapi mjekimi që janë jetike për pacientë të ndryshëm me qëllim për të optimizuar kapacitetet tona në funksion të COVID 19. Ne kemi mbi 9 mijë shtretër përfshirë edhe spitalet jopublike.
Fevziu: OBSH rekomandon bëni teste, pse kaq pak teste.
Kur shpallet gjendja e pandemisë vlerësohen të gjitha rastet sipas një definicioni të përcaktuar. OBSH ka rekomanduar testimin në varësi vetëm të personave që kanë simptoma apo kanë histori të lidhura me kontakte personash të prekur. Kjo është një strategji shumë e mirë.
Korea e Jugut bëri teste masive….
Edhe ne kemi një strategji shumë të mirë në kuadër të ndërprerjes së zinxhirit të epidemisë dhe kjo krijohet nëpërmjet realizimit të testimeve për ata që kanë simptoma.
Fevziu:Keni tampone mjaftueshëm? Ka një lajm të vazhdueshmë që mungojnë tamponët dhe për këtë arsye ka më pak teste?
Ne jo vetëm që kemi tamponë, kemi kitet dhe reagentët për të kryer atë analizë që duhet në raport me konfirmimet e rasteve, por vijojmë të furnizohemi në vazhdim. Ndërkohë që po planifikojmë të hapim një qendër tjetër me aparatura që i kemi dhe presim të furnizohemi me kitet për të hapur qendrën e dytë në ambientet e QSUT.
Fevziu:Sa teste mund të kryeni?
Ne do të vijojmë të testojmë të gjithë ata që shfaqin simptoma, por dhe ata që komunikojnë përmes numrit 127.
Fevziu:Përse nuk liberalizohet testimi, të bëhet në spitalet private për ata që i kanë mundësitë?
Tamponi nuk i bëhet cddo njeriu, sepse mund të jetë edhe një grip i lehtë. Patjetër që është edhe ky opsion për të bërë testet e shpejta, por ne jemi duke bashkëpunuar me OBSH dhe OBSH ende nuk i ka validuar testet e shpejta. Ne duam cilësi maksimale pëmes testeve të laboratorit të ISHP, që është i certifikuar.
Fevziu: Mbetet problem infektimi i mjekëve, përse nuk merren masa për mbrojtjen e tyre?
Kjo është një masë që është e ndërmarrë dhe në këtë momente që ne flasim, të gjithë spitalet e vendit janë të pajisura me pasjijet profesionale mbrojtëse. Stoku vijon të përforcohet edhe pse me mangësitë botërore, që sikurse dihen. Ne aktualisht kemi, vijojmë të furnizohemi dhe vijojmë të lidhim kontrata, por ajo që ka ndodhur nuk lidhet me pajisjet e mbrojtjes profesionale. Ajo që ka rëndësi dhe këtu kam një thirrje për qytetarët, duhet të raportojnë historitë e udhëtimit. /Opinion.al
s.
