Ministrja e Shëndetësisë dhe Mbrojtjes Sociale, Ogerta Manastirliu deklaron se deri më tani janë shpërndarë 200 mijë vaksina për gripin për grupet e riskut.
Teksa inspektoi inspektuar Qendrën e re Shëndetësore në Belsh, së bashku me kryeministrin Edi Rama, Manastirliu u ndal dhe tek fushata në muajin e ndërgjegjësimit për kancerin e gjirit, duke thënë se është rritur ndërgjegjësimi gjatë këtij muaji.
“Aktualisht kemi filluar dhe programin e vaksinimit kundër gripit, janë shpërndarë tashmë në të gjitha qendrat shëndetësore dhe ambulancat më shumë se 200 mijë vaksina të gripit, pasi do të përballemi edhe me gripin stinor. Sipas strategjisë se vjeshtë dimrit, kemi edhe vaksinat antiCOVID, ndërkohë që bëhet vaksnina e gripit, bëhet dhe vaksina e COVID-19. Në tërësi janë më shumë se 1 milion e 900 mijë vaksinime të kryera me një dozë dhe me dy doza. Ndërkohë, vetëm përgjatë muajit tetor janë kryer më shumë se 9 mijë mamografi, ndërkohë përgjatë këtij vitit janë 13 mijë mamografi të kryera. Sot mamografi e lëvizshme është në Belsh, ndërkohë që çdo spital rajonal ka një mamografi, falë angazhimit tonë për të siguruar këtë shërbim në çdo rajon”,-tha Manastirliu./ Opinion.al
