Ministra e Shëndetësisë, Ogerta Manastirliu dhe ministrja e Arsimit Evis Kushi, kanë zhvilluar një seri takimesh me zyrtarë të lartë në Hungari.
Dy ministret kanë dhënë detja rreth diskutimeve që janë zhvilluar në këto takime. Nëpërmjet një video-mesazhi në rrjetin social “Facebook” Manastirliu u shpreh se në këto takime u diskutua për diploma e doktoratura të përbashkëta si edhe praktika të studentore që mund të zhvillohen në Hungari, me qëllim thellimin e bashkëpunimeve mes vendeve.
“Kemi diskutuar për diploma të përbashkëta,doktoratura të përbashkëta dhe për praktika studentore që mund të zhvillohen në Hungari. I kemi bërë një ftesë rektorit të Universitetit të Hungarisë për të bërë një vizitë në Universitetin Mjekësor dhe në Qendrën Spitalore Universitare Nënë Tereza për të parë rrugët më të mira të bashkëpunimit që kanë në fokus zhvillimin e shëndetësisë. Do të ngrihen grupe punë të përbashkëta për t’i dhënë frymë këtij bashkëpunimi dhe besojmë se shumë shpejt do të finalizohet një memorandum mirëkuptimi mes dy palëve”, tha Manastirliu.
Ministrja e Arsimit Evis Kushi tha se objektivi i mandatit të tretë qeverisë së PS është rritje e cilësisë së Arsimit të Lartë si dhe zhvillimi i projekteve të përbashkëta me me universitete evropiane, të cilat do të mundësojnë dhe marrjen e diplomave evropiane në vendin tonë.
“Një nga objektivat më madhorë të mandatit të ri qeverisës është rritja e cilësisë në Arsimin e Lartë dhe hapja e dyerve të Universiteteve shqiptare për Universitet Europiane në mënyrë që studentët të kenë diploma që njihen edhe në vendet e BE. Në këtë kuadër ishte edhe takimi me dy rektorët e universiteteve në Budapest që shprehen interes për të thelluar bashkëpunimin që tashmë ekziston prej vitesh”, tha Kushi./ Opinion.al
