Ministrja e Shëndetësisë, Ogerta Manastirliu, ka folur ditën e sotme në Kuvendin e Shqipërisë për vaksinat dhe ecurinë e vaksinimit në vendin tonë.
Gjatë fjalës së saj ministrja Manastirliu tha se vaksinimi do të jetë kusht për qytetarët dhe se nuk do të lejohet hyrja e tyre në lokale nëse nuk posedon “Green Pass”.
Ajo tha se ashtu siç u bë hyrja e studentëve me “Green Pass” në universitete, ashtu do të bëhet edhe për lokalet.
“Do ta vëmë ‘Green Pass’ në lokale dhe në strukturat e tjera të shërbimit”- tha ministrja e Shëndetësisë.
Manastirliu nuk përmendi një datë apo afat, se kur do të bëhet kusht hyrja në lokale apo në strukturat e tjera të shërbimit me “Green Pas”, por ajo paralajmëroi se pasaporta e vaksinimit do të jetë kusht për qyetarët shqiptarë.
Ajo gjithashtu kujtoi se në shumë vende të Europës hyrja në lokale bëhet me “Green Pass”./Opinion.al
