Ditën e sotme kryeministri Edi Rama dhe ministrja e Shëndetësisë, Ogerta Manastirliu pritën në një takim shefin e kompanisë Pfizer, Albert Bourla.
Bourla vizitoi depon e barnave në QSUT, ku shikoi nga afër kushtet se si ruhen vaksinat anti-COVID. Manastirliu tha se kapacitetet ruajtëse janë më të larta dhe që mund të ruajnë deri në 4-5 milionë doza vaksinash.
Ministrja deklaroi gjithashtu se brenda muajit tetor pritet që në Shqipëri të vijnë 170 mijë doza vaksine falë marrëveshjes me kompanisë Pfizer.
“Aktualisht kapacitetet tona janë më të larta. Kështu që mund të ruajmë mbi 4-5 milionë doza vaksinash. Jemi të mirëpërgatitur. Po rrisim kapacitetet tona për zinxhirin ftohës sepse të gjithë e dimë që është e rëndësishme jo vetëm që të marrim vaksinat por edhe që të përpiqemi që të ruajmë cilësinë e tyre. Në Shqipëri ne kemi aktualisht rreth 665 mijë të vaksinës Pfizer. Po presim në fakt dorëzimin e pjesës së parë të dërgesës nga kontrata e re, në datën 17 tetor, 170 mijë doza vaksine”, tha Manastirliu./Opinion.al
