Përmes një deklarate për mediat ministrja e Shëndetësisë Ogerta Manastirliu u shpreh për gjendjen e të plagosurve që aktualisht ndodhen në Spitalin e Traumës në Tiranë. Sipas ministres 8 persona janë aktualisht në gjendje të rëndë shëndetësore dhe ndodhen në terapi intensive.
“Janë 8 persona në gjendje të rëndë që po trajtohen në terapi intensive. Po vlerësojmë edhe mundësinë që të marrin trajtim më të specializuar në Itali. Kemi dy raste për të cilat po presim vlerësimin dhe përgjigjen nga partnerët italianë. Dua të garantoj që puna që është bërë nga mjekët në Tiranë dhe Durrës është një punë e jashtëzakonshme profesionale, por duam që të mos mungojë asgjë dhe nëse është e nevojshme, të sigurojmë trajtim edhe më të specializuar se në Shqipëri”, -u shpreh ministrja.
Tërmeti shkatërrimtar i datës 26 Nëntor ka shkaktuar deri më tani 29 viktima, ndërkohë që shumë persona gjendet ende nën rrënojat e ndërtesave./Opinion.al/
