Manchester City vazhdon ecurinë e përsosur në Premier League dhe Burnley ishte viktima e radhës këtë të shtunë teksa të besuarit e Pep Guardiola-s kanë shkëlqyer sërish në Etihad me rezultatin 3-0. Trajneri spanjoll befasoi të gjithë me futjen në fushë të Sergio Aguero i cili rikthehet pas dëmtimit të pësuar një muaj më parë, dhe lënien jashtë të Sterling dhe Jesus.
Qytetarët fillojnë me një ritëm të lartë menjëherë dhe gjejnë golin pa përfunduar pjesa e parë me anë të Aguero-s nga pika e bardhë e penalltisë. Pas pushimit janë dy golat e Otamendi dhe Sane që vulosin rezultatin pozitiv, i cili është akoma më i rëndësishëm pas humbjes së Manchester United.
Blofi i kësaj javë është padyshim humbja e Manchester United ndaj Huddersfield në fushën e këtyre të fundit. Kjo ishte humbja e parë e Djajve të Jose Mourinho-s dhe një humbje që do të ndikojë shumë në renditjen e kësaj jave, teksa United ka shkuar pesë pikë më pakë se Manchester City-t.
