Prej disa kohësh në mediat e huaja qarkullojnë aludime se këngëtari Maluma ka nisur një lidhje me modelen kanadeze Winnie Harlow. Për të forcuar këto aludime ka ardhur dhe lajmi se Maluma dhe e dashura e tij prej dy vitesh, modelja Natalia Barulich janë ndarë.
Vet modelja është shprehur se vijon të ketë ndenja për këngëtarin, por tashmë të dy duhet t’u kushtohen më shumë vetes së tyre dhe karrierës. Sa i përket aludimeve për lidhjen me modelen Harlow mediat e huaja kanë shkruar se Maluma dhe ajo janë fotografuar duke darkuar së bashku në një restorant latin. Gjithashtu modelja është parë në koncertin “HP” të tij të realizuar në New York.
Të dy u panë edhe duke kërcyer shumë pranë njëri -tjetrit në festën e organizuar pas koncertit. Gjithashtu pak ditë më parë modelja Harlow i shprehu publikisht pëlqimin këngëtarit me një “emoji” në një video ku ai shfaqej duke kërcyer pa bluzë. Megjithatë asnjëri prej tyre nuk ka konfirmuar nëse këto shenja tregojnë për një lidhje ose jo mes tyre./Opinion.al/
