Dy ministrat, Belinda Balluku dhe Blendi Klosi ishin në dëgjesë me banorët e Gramshit, të cilët kundërshtojnë ndërtimin e HEC-it në kanionin e Holtës. Ky aktivitet u transmetua “Live” në ERTV paraditen e sotme. Por, duket se nuk është krejt kështu. Demokrati, Jamarber Malltezi përmes një statusi në facebook, thotë se takimi i regjistruar është zhvilluar dje. Sipas tij, aty nuk ka as valë telefonike e jo më sinjal për transmetime LIVE-TV. Sakaq, sot me banorët që protestojnë u bashkuan dhe deputetet e PD-së.
Malltezi thotë se kroniken e qethi ERTV-ja nga folësit e padëshiruar.
“Qeveria ka sjellë dje 50 karrige dhe dhjetëra zyrtare qe ka bere gjoja diskutim që ERTV e shfaqi sot paradite sikur ishte LIVE. Ne fakt ishte i djeshmi se aty nuk kap as vala telefonit. E mbajti 24 ore sa ta qethte kroniken nga folesit e padeshiruar. Ndërsa ne ishim live dhe shumë protestë. Dje kanë mashtruar qytetarët se ju kane thënë që e kane bllokuar HEC-in, POR në fakt vendimi i Keshillit Kombëtar të Territorit është në fuqi me firme dhe vule nga Edi Rama, Damiani dhe Drejtoresha e Planifikimit të Territorit prandaj deklarata me gojë e kukullës së Edvinit është propagande boshe. Ndërkaq në zonë është betonuar mu buzë kanionit”, shkruan Malltezi në facebook./Ri-De
*Foto nga protesta e demokratëve në mbështetje të banorëve
