Manuel Neuer nuk do të zbresë në fushë gjatë vitit 2017. Portieri ka pësuar një tjetër dëmtim në këmbën e majtë, të cilën e operoi pas frakturës së pësuar në muajin Prill. Klubi i Bayernit të Mynihut informon se dyshohet për një tjetër frakturë. 31 vjeçari u dëmtua gjatë një seancë stërvitore.
Nuk ka paqe për Manuel Neuer. Ai që konsiderohet portieri më i mirë në planet për momentin, është dëmtuar sërish. Një mallkim për gardianin e kombëtares gjermane. Portieri i Bayernit të Mynihut është dëmtuar sërish në këmbën e djathtë, pikërisht në atë këmbë ku pësoi frakturë pnë muajin prill pas eliminimit të Bayern kundër Real Madridit.
Lajmin e ka konfirmuar vetë klubi bavarez, Neuer do ti nënshtrohet nëj tjetër ndërhyrje kirurgjikale dhe nuk do të zbresë më në fushë gjatë vitit 2017.
Një goditje vërtetw e rëndë për kampionët e gjermanisë të cilët e mbyllën edicionin e shkuar pa numrin 1 dhe tashmë do të duhet të bëjnë të njëjtën gjë. Neuer u dëmtua në cerekfinalen e ligës së kampionëve pikërisht në momentin kur Ronaldo e dërgoi topin në rrjetë duke i dhuruar rrugën e kualifikimit ekipit madrilen. Fraktura e pësuar në këmbën e majtë e detyroi aso-kohe portierin ti nënshtrohej ndërhyrjes krirugjikale, diçka që për fat të keq do të duhet ta përsërisë. Megjithëse ende nuk janë kryer analizat e plota ka gjasa që 31 vjecari të ketë përsuar një tjetër frakturë në të njëjtën këmbë, gjatë një seance stërvitore përpara përballjes me ish skuadrën e tij Schalken. Tashmë porta e Bayernit do të kalojë sërish në duart e Sven Ulreich që për hir të së vërtetës në ato takime kur është aktivizuar e ka justifkuar praninë e tij mes shtyllave të skuadrës bavareze./oranews
