TIRANË- Ashtu si me Portugalinë, edhe me Serbinë, kombëtarja jonë mundet në minutat e fundit të ndeshjes. Kuqezinjtë janë mundur me rezultatin 2 – 0 në ndeshjen e shumë pritur nga të gjithë Shqipëri-Serbi. Dy gola në minutat e fundit që rëndojnë shumë. Tani na duhet një fitore ndaj Armenisë, pasi Portugalia mundi 1 – 0 Danimarkën.
Kuqezinjtë të mbështetur nga një stadium i tërë e nisën në sulm takimin, por nuk qëndruan vetëm në mbrojtje lojtarët serbë të cilët rrezikuan me kundërsulme të shpejta. Rasti i parë për Kombëtaret ishte në minutën e nëntë me Andi Lilën që godet, por mbi traun e portës. Në mesin e pjesës së vjen problemi i parë i vërtetë për portën e Shqipërisë. Adem Ljajiç goditi, por Etrit Berisha nuk u zu në befasi duke e grushtuar topin.
Menjëherë më pas një tjetër pëpjekje e kaitenit Branislav Ivanoviç në hyrje të zonës, por nuk ishte i saktë. Presioni kalon nga një portë në tjetrën dhe në të minutën e 38’ serbëve i anulohet një gol, për shkaka të një të parregullt të Zoran Toshiç ndaj Etrit Berishës. Situta u tensionuar për pak çaste pak, por pa probleme. Portieri Vladimir Stojkoviç u vendos në lëvizje në fund të pjesës së parë nga një goditje e lehtë e Ermir Lenjanit.
Me fillimin e pjesës së dytë në vend të Andi Lilës së dëmtuar, u aktivizua Ergys Kaçe. Rastet në të dy portat ndezën lojën. Milivojeviç nga njëra anë dhe Lenjani e Cana nga ana tjetër. Loja e kuqezinjve nis të gjallërohet dhe Ledian Memushaj dha një sinjal tjetër në minutën e 60’. Trajneri Gianni De Biasi freskoi sulmin në minutën e 68’ duke futur në fushë Sokol Cikalleshin në vend të Bekim Balajt. Sulmuesi i Bashakshehirit pati rastin më të rrezikshëm në minutën e 76’, pasi depërtoi në zonën e Serbisë, por goditja e tij u grushtua nga portieri Stojanoviç.
Serbia në minutat e fundit ushtroi presion në zonën shqiptare, por pa sukses. De Biasi në minutën e 83’ hodhi në fushë Alban Mehën në vend të Ermir Lenjanit. Minutat e fundit ishin fatale për Shqipërinë, pasi Zoran Toshiç dhe Adem Ljajiç goditën dy herë Kombëtaren me dy kundërsulme, për të vënë në qetësi Elbasan Arenën. Kombëtarja duhet të kërkojë fitoren në Aremeni të dielën për të qenë direkt në fazën finale të Euro 2016.
