Ditën e djeshme kryeministri Edi Rama u shpreh nga Kuvendi se një nga deputetët e ardhur në parlament nga PD, nuk ka votuar as për veten e tij dhe se ka bërë fushatë për PS.
Në këtë mënyrë Rama la të nënkuptohej se bëhej fjalë për deputetin Lefter Maliqin. Ndërkohë, ka ardhur dhe reagimi i këtij të fundit.
Në një prononcim për mediat nga jashtë kryesisë së Kuvendit, Maliqi me tone të ashpra ka bërë deklarata të forta kundër kryeministrit. Ai tha se kartat sapo janë hapur, ndërsa tha se ka filmime kundër Ramës.
“Sot është një ditë e zezë për demonin e dukur të djallit të beut të Surrelit sepse mbrëmë PE miratoi amendamentin për 15 kushtet, ku ndër më kryesorë dënimi i krimit zgjedhor, lufta kundër korrupsionit. Për shqiptarët dhe socialistët e ndershëm është ditë zie sepse ka ikur një ndër figurat më të rëndësishme Moikom Zeqo dhe familjes së tij i shpreh ngushëllimet. Unë jam këtu, meqenëse ky frikacak, kam bërë rresht dy interpelanca me ministrin. Ai nuk pranoi të dilte përballë. Dje në mungesën time, duke parë që nuk ishte në rreshtin e tij, njolla e zezë e kësaj figure, siç shiti Tahirin, Kokëdhimën, e Dakon foli. Nëse është burrë, sot nis deklaratat për të, pasi do e nxjerr lakuriq atje para Kuvendit siç është. Mos të kujtojë se ka vdekur Prifti dhe s’ka më kaseta. Filmimet dhe kasetat tek Dashi i Pezës nuk mungojnë. Dua t’i them se ai i infiltruari që ka qenë në grupin e zjarrit dhe ka qëlluar, duhet të hetohet. Paketorin e ke aty o palaço. Paketorin që vjedh paratë e shqiptarëve. Drejtorin e burgjeve e ke po aty. Ky njeri që kërcënoi me mesazhe zotin Basha ka frikë nga koalicionet. E vetmja mënyrë është grisja e marrëveshjes në Ambasadën Amerikane. Jo këta po çfarëdo partie të krijojë nuk fiton dot përballë shqiptarëve të ndershëm. Për t’i dhënë edhe një përgjigje edhe më të sinqertë dhelprën me dy koka e di shumë mirë ai. Është shprehja e tij në një grup të madh pazarxhinjsh. Do t’ia them të gjitha ballë përballë. Tani u hapën letrat. Është mosmirënjohës. Ky njeri duhet të marrë fund. Ky nervi im është i sinqertë, i drejtë. Ku të dojë të përballet, në votë dhe parlament. Mos t’iu duket se është trim, se aktron dhe me ju, bën batuta, batuta krimi. Është kriminel, është sharlatan, një belkëputur. Kujton se do blejë vota. E patë zonjën Hajdari. Unë kam respekt për zonjën Hajdari, shiko se çfarë i bënë. Dhe bën aktrime tani. Ky është aktrim i pështirë. Le të merret me mua. Unë jam i sinqertë. Le të fusë kë të dojë, deputetë të fortë. Ky njeri do ikë me turp nga skena shqiptare. Përfaqësoj opozitën jashtë. Jam kundër korrupsionit të qeverisë dhe disa marrëveshjeve që bëri zoti Basha, ia kam thënë.”, pohoi Maliqi./ Opinion.al
