Shërbimi i Çështjeve të Brendshme dhe Ankesave ka proceduar 7 punonjës policie në Maliq, të cilët akuzohen për shpërdorim të detyrës.
Mësohet se për 5 prej efektivëve, gjykata ka caktuar masën e sigurisë “arrestit me burg”, ndërsa për dy policë të tjerë është marrë masa, pezullim nga detyra.
Sipas hetimeve punonjësit e policisë akuzohen se kanë shpërdoruar detyrën duke favorizuar dhe duke mos marrë asnjë masë për disa subjekte që prisnin pyjet në mënyrë të paligjshme./ Opinion.al
