Mali i Zi ka raportuar dy rastet e para me koronavirus. Lajmin e ka konfirmuar kryeministri, Dushko Markoviq.
Mali i Zi ka qenë vendi i vetëm në rajonin e Ballkanit Perëndimor që deri më tani nuk ka pasur të konfirmuara raste me koronavirus.
Koronavirusi ka shpërthyer në fund të vitit të kaluar në Kinë. Në muajt vijues pothuajse gjitha vendet e botës kanë raportuar raste me infeksione.
Sipas të dhënave të Universitetit John Hopkins deri më 17 mars, në gjithë botën janë konfirmuar 185,067 raste me koronaviusin e ri. Mbi 80,236 të infektuar janë shëruar, ndërkaq të vdekur si pasojë e sëmundjes Covid-19, janë mbi 7,330 persona./ Opinion.al
