Mali i Zi ka forcuar rregullat për të gjithë ata që duan të hyjnë në vend. Ministria për Evropën dhe Punët e Jashtme ka njoftuar se duke filluar nga data 14 shtator 2021 do të hyjnë në fuqi rregullat e reja, që parashikojnë:
➡️ Një test PCR negativ Covid-19 jo më të vjetër se 72 orë, ose testin pozitiv PCR nga i cili kanë kaluar të paktën 14 ditë, por jo më shumë se 180 ditë;
➡️ Test negativ antigjen, jo më të vjetër se 48 orë;
– Qytetarët e Malit të Zi dhe shtetasit e huaj me qëndrim të përkohshëm në Mal të Zi, të cilët nuk plotësojnë asnjë nga kushtet e e mësipërme, duhet të karantinohen. Izolimi mund të ndërpritet pas një testi PCR negativ, pas ditës së gjashtë nga kalimi i kufirit.
Sipas njoftimit, personat nën moshën 18 vjeç (shtetas malazezë, apo të huaj) nuk i nënshtrohen këtyre rregullave./Opinion.al
