Tashmë është zyrtare, Paolo Maldini do të rikthehet në familjen e tij, atë kuqezi. Kapiteni legjendar i “djallit” do të mbajë postin e Drejtorit të Zhvillimit Strategjik tek Milani. Ditën e nesërme, në orën 16:30, është programuar edhe konferenca për shtyp në Casa Milan, ku Maldini do të thotë fjalët e para nën petkun e drejtuesit.
Edhe presidenti i ri i Milanit, Paolo Skaroni, u shpreh i lumtur për këtë afrim në zyrat e klubit: “Nuk ka fjalë për të përshkruar atë çfarë Paolo Maldini përfaqëson për Milanin. Ishte një privilegj ta shikoje atë duke fituar trofe të panumërt në fushë. Jam i lumtur dhe i nderuar që të punoj me këtë eksperiencë të re të Paolos. Do të jetë një përfitim i madh për klubin. Ky lajm, është gjithashtu një shenjë e përpjekjeve që Fondi Eliot po bën për të ndërtuar një shoqëri solide, edhe pse e dimë që nuk do të jetë e lehtë dhe do të duhet kohë. Por, ne kemi ambicie që bashkë me afrimin e Maldinit, të bëjmë një hap më shumë drejt rikthimit të Milanit të madh.”
Ndërkohë, këtë rikthim e ka konfirmuar edhe Milani me një deklaratë zyrtare: Kursi i ri drejtues i AC Milan është forcuar më tej me emërimin e Paolo Maldinit si Drejtor i ri i Zhvillimit Strategjik në Zonën Sportive. Paolo është një legjendë e gjallë në historinë e kuqezinjve për klasin e tij të jashtëzakonshëm, për talentin, udhëheqjen, besnikërinë dhe rekordet e tij të sukseseve, të pashembullt. Këto cilësi do të luajnë një rol vendimtar për ta kthyer Milanin në madhështinë që meriton. Mbiemri “Maldini” prek zemrën e të gjithë milanastëve, sipas dinastisë së dedikimit dhe suksesit.
Historia e lavdishme e familjes Maldini filloi me paharrueshme Çesaren, babai i Paolos, kapiteni i ekipit që fitoi Kampionatin e Parë në vitin 1963. Forca e Maldinit dëshmohet nga numri 3 i historisë kuqezi, i cili u tërhoq , dhe në të ardhmen mund të vishen vetëm nga Maldini tjetër.
Historia e Paolo në Milano është e pashembullt. Ai bëri debutimin e Serie A kur ishte vetëm 16 vjeç më 20 janar 1985. Gjatë karrierës së tij si mbrojtës, Paolo fitoi 26 trofe: 7 kampionate kombëtare; 1 Kupa italiane; 5 Superkupa italiane; 5 UEFA Champions League (duke luajtur në 8 finale, një rekord që ai ndan me Francisco Gento); 5 Superkupa Evropiane; 2 Kupa Interkontinentale dhe 1 Kupë Botërore për klubin. Paolo u tërhoq nga futbolli në fund të sezonit 2008/09 dhe pas 25 viteve të lavdishme në fanellën e kuqezinjve, me 648 paraqitje në Serie A, një rekord absolut dhe 419 lojëra me shiritin e kapitenit. / Panorama sport
