Një fëmijë 9 vjeçar ka mbetur i plagosur rëndë në një aksident rrugor në qytetin e Shkodrës.
Policia bën me dije se ngjarja ka ndodhur në lagjen “10 Korriku”. Ndërsa, shkaktar i aksidentit është 24 vjeçari malazez me iniciale A.D, i cili drejtonte një automjet tip Volvo.
Policia thotë se fëmija ndodhet në spitalin rajonal Shkodër, në gjendje të rendë.
Drejtuesi i mjetit është shoqëruar në ambientet e Policë Shkodër për veprime të mëtejshme.
Në vendin e ngjarjes ndodhen shërbimet e policisë dhe veprimet po kryhen me grup hetimor për sqarimin e rrethanave të aksidentit.
