Paraditen e kësaj të premte kreu demokrat Lulzim Basha gjatë një dalje për mediat ka folur ashpër lidhur me çështjen e shëmbjes së Teatrit Kombëtar dhe ndërtimin e kullave.
Basha deklaroi se nësej shembej teatri, do t’ju vinte minat kullave të ndërtuara nga qeveria Rama.
E duket se në mbështetje të kësaj deklarate ka dalë edhe artisti i madh Maks Velo i cili gjatë fjalës së tij në protestën për Teatrin e quajti atë një deklaratë të rëndësishme: “Basha tha një gjë me rëndësi, ai paralajmëronte FushaShpk që ato palate do të hidhen në erë, në bazë të ligjit antimafia. Kjo është gjëja me me rëndësi, paralajmëronte fushën që pallatet janë të paligjshme në bazë të ligjit antimafia”, u shpreh gjatë fjalës së tij Maks Velo
Nga ana tjetër thuajse në të njëjtën linjë ka qenë edhe analisti Fatos Lubonja: “E shikoj si një gjë që duhet të institucionalizohet edhe më mirë nga PD. Sepse është gjithmonë ai rreziku, premton 0 ndërtime dhe bën ndërtime. Ndaj mendoj që sigurisht është e rëndësishme si presion por edhe pa qenë në pushtet, duhet të ndodhë diçka.Masën e sinqeritetit dhe se sa i intereson kjo punë për politikë nuk e masim dot por ka një ndjenjë që po kalohet çdo lloj kufiri nga kjo maxhorancë.
Këtu punohet sistematikisht si t’i kapësh, si t’i shantazhosh, si t’i bësh në nder që t’i kapësh kokën. E shohin njerëzit që Shqipëria është e vogël”, tha analisti./Opinion.al
