Policia ka kapur një sasi të konsiderueshme hashashi në Lushnjë, por transportuesi i ia ka dalë të largohet. Ngjarja ka ndodhur në Lushnjë, ku një 24 vjeçar, shqiptar me banim në Maqedoni, është ndjekur nga policia pas dyshimeve se po transportonte drogë. Ai udhëtonte me një “Volkswagen” me targa SK 0605 AL dhe në bagazh kishte 64 hashash.
Gjatë ndjekjes nga punonjësit e policisë, 24 vjeçari ka goditur mjetin tek trafikndarsja në rrethrrotullimin e Kolonjës së Lushnjes dhe është larguar me shpejtësi duke braktisur mjetin.
Nga veprimet e kryera në mjetin e braktisur u gjetën dhe sekuestruan 64 kg lëndë narkotike e dyshuar kanabis, tha policia.
*Foto nga droga dhe mjeti i sekuestruar
