Klevis Ruçaj, 20-vjeç është viktima e tretë e aksidentit të rëndë të ndodhur mbrëmjen e djeshme në Tiranë. I riu ishte drejtues i automjetit tip “Audi”, i cili ra nga mbikalimi i TEG duke goditur dhe një automjet tjetër tip “Honda”.
Tre viktima dhe tre të plagosur është bilanci i këtij aksidenti tragjik. Ndërsa deri më tani nuk janë identifikuar dy shtetaset që humbën jetën.
Shkak i aksidentit dyshohet se ka qenë shpejtësia e lartë me të cilën ka qenë duke lëvizur 20-vjeçari, çka ka bërë që të humbë kontrollin dhe të makina të ‘fluturojë’ nga mbikalimi i TEG duke përfunduar poshtë në autostradë mbi makinën tjetër.
Ndërkaq, sikurse duket në videot e publikuara në rrjetet sociale, 20-vjeçari ka qenë i apasionuar pas shpejtësisë së lartë. Në një video në Tik Tok, i riu shfaqet duke i dhënë makinës me një dorë dhe më pas me të dyja, me një shpejtësi prej 270 km në orë.
