Një aksident me pasojë vdekjen e një 19-vjeçari shqiptar ka ndodhur mëngjesin e sotëm në Treviso të Italisë. Sipas mediave italiane rreth orës 5 e 20 të mëngjesit, një makinë e tipit Mercedes Benz ka humbur kontrollin duke dalë nga rruga dhe më pas është përplasur me një nga shtyllat prej betoni që shërbenin për ndriçim.
Si pasojë ka mbetur i vdekur pasagjeri 19-vjeçar me origjinë shqiptare Klisman Gjini dhe janë plagosur dy miqtë e tij. Dy 21-vjeçarët janë dërguar në spital dhe fatmirësisht janë jashtë rrezikut për jetën.
Në vendngjarje kanë mbërritur forcat e policisë, mjekë dhe zjarrëfikës sipas të cilëve ende nuk dihen shkaqet e sakta të aksidentit. Megjithatë sipas hetimeve të deritanishme dyshohet për një problem shëndetësor të papritur të shoferit ose prej një momenti përgjumje./Xh.K/Opinion.al/
