Një person ka humbur jetën mbrëmjen e sotme në aksin Shkodër-Lezhë pranë kryqëzimit të Dajçit ku një makinë u përplas me një kamion.
Eduard Grishaj 55 vjeç, banues në Shkodër udhëtonte i vetëm në makinë, ndërsa ka gjetur vdekjen e menjëhershme në vendin e ngjarjes pas përplasjes së fortë.
Makina tip “Benz” me targë “SH 6549 E” është futur poshtë kamionit duke pësuar dëmtime të mëdha.
Është dashur ndërhyrja me fadromë për të nxjerrë trupin e pajetë. Ndërkohë po punohet për zbardhjen e plotë të këtij aksidenti.
