Një aksident ka ndodhur në hyrje të qytetit të Pogradecit pranë gjimnazit “Gjergj Pekmezi”. Një mjet me targa greke ka përplasur 72-vjeçarin, Fiqiri Maxhari që lëvizte me biçikletë duke e plagosur rëndë atë. Fiqiri Maxhari, ka qenë duke transportuar qumësht është dërguar me urgjencë në spitalin e Pogradecit ku po merr ndihmën mjekësore.
Mësohet Fiqiri Maxhari ka marrë dëmtime të shumta në kokë dhe fraktura të tjera në trup. Ai po merr ndihmën mjekësore dhe do vlerësohet nga mjekët nëse do të niset në Tiranë apo jo, pasi gjendja e të moshuarit është e rëndë.
Sipas informacioneve, i plagosur ka qenë duke lëvizur në anë të rrugës në kohën kur është goditur nga mjeti me targa greke. Në vendngjarje mbërriti policia e cila po kryen hetimet për zbardhjen e rrethanave të aksidentit.
