Një aksident ka ndodhur pasditen e sotme në bulevardin “Zhan D’ark”, në kryeqytet ku një automjet ka përplasur një motomjet në të cilin ndodheshin drejtuesi dhe një pasagjer.
Sipas asaj që bën të ditur policia si pasojë e aksidentit kanë ngelur të plagosur dy personat që ndodheshin në motomjet, të cilët ndodhen në spital nën kujdesin e mjekëve.
“Me datë 17.05.2025, rreth orës 19:15, në bulevardin “Zhan D’ark”, automjeti me drejtues shtetasin L. M., është përplasur me motomjetin me drejtues shtetasin J. I dhe pasagjer shtetasin A. M. Si pasojë e përplasjes janë dëmtuar shtetasit J. I dhe A. M, të cilët janë dërguar në spital dhe ndodhen nën kujdesin e mjekëve. Grupi hetimor punon për sqarimin e rrethanave të aksidentit”, njofton policia.
