Dy fëmijë të mitur, vëlla e motër, janë përplasur nga një automjet. Sipas policisë aksidenti ka ndodhur në Kamëz, rreth orës 12:10.
Dy fëmijët, vajza 15 vjeçe dhe djali 6 vjeç ishin duke ecur kur janë përplasur nga makina që drejtohej nga shtetasi S. Ç.
Si pasojë e përplasjes dy të miturit u dërguan në spital për ndihmë të specializuar mjekësore.
Drejtuesi i automjetit është shoqëruar në komisariat për veprime të mëtejshme hetimore.
Policia rrugore ndodhet në vendngjarje, ku po vijon punën për sqarimin e rrethanave të ngjarjes dhe shkakut të aksidentit./ Opinion.al
