Një aksident rrugor është regjistruar në orët e para të mëngjesit në Tiranë. Policia bën me dije se një automjet ka përplasur një 17-vjeçar, i cili lëvizte në këmbë në zonën e Don Boskos. Më pas drejtuesi i mjetit ka braktisur makinën dhe është larguar nga vendi i ngjarjes. 17-vjeçari me iniciale M. B. është dërguar menjëherë në spital ku ndodhet nën kujdesin e mjekëve.
“Më datë 14.02.2022, rreth orëve të para të mëngjesit, në “Don Bosko”, një mjet me drejtues ende të paidentifikuar, ka aksidentuar këmbësorin shtetasin M. B., 17 vjeç, dhe më pas drejtuesi i mjetit ka braktisur mjetin dhe është larguar nga vendi i ngjarjes. Si pasojë e aksidentit, 17-vjeçari është dëmtuar dhe ndodhet në spital nën kujdesin e mjekëve”, njofton policia.
Grupi hetimor po punon për identifikimin dhe kapjen e autorit, dhe sqarimin e rrethanave të aksidentit./Opinion.al
