Një aksident është regjistruar ditën e sotme në Tiranë, në vendin e quajtur “Kthesa e Yzberishtit”. Sipas policisë mjeti me drejtues shtetasin E. Ç ka përplasur një 13-vjeçar.
I mituri është transportuar në spital dhe ndodhet nën kujdes mjekësor.
“Me datë 13.11.2021, në orën 12:10, në vendin e quajtur “Kthesa e Yzberishtit”, mjeti me drejtues shtetasin E. Ç., ka aksidentuar një shtetas të mitur 13-vjeçar, i cili për pasojë është dëmtuar, dhe ndodhet në spital, jashtë rrezikut për jetën”, njofton policia.
Grupi hetimor është në vendngjarje dhe po punon për sqarimin e rrethanave të aksidentit./Opinion.al
