Një i mitur është aksidentuar në Kukës nga një automjet dhe është dërguar urgjentisht në Tiranë.
Ngjarja ka ndodhur në aksin rrugor Kukës-Gostil, ku një mjet tip “Mitsubishi”, ka aksidentuar shtetasin e mitur E.M., rreth 11 vjeç, banues në Kukës.
Drejtuesi i mjetit në njoftimin e parë të policisë u tha se ishte larguar nga vendngjarja pasi aty kishte mbetur automjeti i tij.
Por në një njoftim të dytë policia sqaron se shtetasi A.H., 35 vjeç, banues në Bushtricë, e ka dërguar me mjet tjetër fëmijën në spitalin e Kukësit dhe është vetë dorëzuar pranë Drejtorisë së Policisë.
Fëmia i dëmtuar, pasi ka marrë ndihmën e parë mjekësore, po trasportohet për mjekim më të specializuar në spitalin traumës Tiranë. /Opinion.al
