Një aksident është regjistruar mbrëmjen e sotme në Vlorë, ku një automjet ka përplasur një 10-vjeçar dhe është larguar nga vendi i ngjarjes.
Mësohet se ngjarja ka ndodhur në fshatin Panaja dhe si pasojë e aksidentit ka mbetur i dëmtuar i mituri i cili është dërguar në spital dhe është nën kujdesin e mjekëve.
“Më datë 12.06.2022, rreth orës 20:00, në fshatin Panaja, Vlorë, automjeti tip “Fiat”, ka aksidentuar një shtetas të mitur rreth 10 vjeç dhe është larguar.
Si pasojë ka mbetur i dëmtuar shtetasi i mitur, i cili ndodhet në spitalin e Vlorës, nën kujdesin e mjekëve.
Grupi hetimor ndodhet në vendngjarje dhe po punon për identifikimin e autorit dhe zbardhjen e rrethanave të aksidentit”,-njofton policia./Opinion.al
