Një shpërthim me lënde plasëse ka ndodhur në një automjet në lëvizje në Tiranë. Polica bën me dije se ngjarja ka ndodhur rreth orës 02:50 të mëngjesit, në Unazën e Re, në afërsi të rrethit të Selitës, në rrethana ende të paqarta. Si pasojë e shpërthimit dy personat që po udhëtonin në automjet, Mikel Harizaj 42-vjeç, drejtues i mjetit dhe Serini Dumi 26 vjeç, pasagjer, kanë mbetur të plagosur.
“Më datë 07.01.2022, rreth orës 02:50 të mëngjesit, në Unazën e Re, në afërsi të rrethit të Selitës, në rrethana ende të paqarta ka shpërthyer dyshohet lëndë plasëse në mjetin në lëvizje, me drejtues shtetasin M. H., 42 vjeç dhe pasagjer shtetasin S. D., 26 vjeç. Si pasojë e shpërthimit janë dëmtuar drejtuesi i mjetit dhe pasagjeri, të cilët ndodhen në spital për ndihmë mjekësor”, njofton policia.
Grupi hetimor nën drejtimin e Prokurorisë po punon për sqarimin e rrethanave të ngjarjes./Opinion.al
