Një aksident i rëndë me pasoje vdekjen ka ndodhur ne aksin Shkodër-Velipoje rreth orës 01:15 të ditës sotme. Një motoçiklete është përplasur me një makine dhe për pasojë ka humbur jetën drejtuesi i motoçikletës, shtetasi Preke Kokli, 60 vjeç banues ne Velipoje.
Policia tha se 60 vjeçari është përplasur nga një mjet tip Opel që drejtohej nga shtetasi Përparim Papa, me detyrë komandant trafiku ne komisariatin e policisë të Malesisë së Madhe.
Shtetasi Preke Kokli ka gjetur vdekjen e menjëhershme ndërsa drejtuesi i mjetit është shoqëruar ne posten e policisë ne Velipoje për te dhëne sqarime mbi aksidentin. Shkaku kryesor i këtij aksidenti me pasoje është mungesa e ndriçimit ne aksin Shkodër-Velipoje.
Njoftimi i policisë
Në datë 26.07.2017, rreth orës 01:10 në segmentin rrugor Velipojë – Shkodër, në fshatin Mali Kolajve, Policia u njoftua se kishte ndodhur një aksident me pasojë vdekjen.
Në vendngjarje shkuan shërbimet e Policisë dhe konstatuan mjetin tip ‘’OPEL’’, me targa AA798FI me drejtues mjeti Përparim Papa, i cili ishte përplasur me mjetin motorçikletë tip ‘Yamaha’ me targë SH 807 B. Për pasojë humbi jetën shtetasi P. P. 60 vjeç, banues në fshatin Baks, Velipojë.
U arrestua në flagrancë shtetasit Përparim Papa, 48 vjeç, banues në Tiranë, me detyrë oficer i Policisë në Sektorin e Qarkullimit Rrugor, Komisariati Policisë Malësi e Madhe.
Materialet proceduriale do t’i referohen Prokurorisë së Rrethit Gjyqësor Shkodër për veprën penale “Shkelje e rregullave të qarkullimit rrugor”, parashikuar nga neni 290/3 të Kodit Penal.
*Foto ilustruese
